Riyo waa maanso ka hadlaysa aafada tahriibka iyo nimcada dalkeena taala

#Riyo

waa manso ka hadlaysa tahriibka iyo nimcada dalkeena taala

@Tacabir

Ogow raygoo kaa xumaado

Barbaaarteenoo riddawda

Xukuumada ragaada

Waxay rimiyaan dhibaato

Yaqiinta raboon Ilowno

******************

Haduu jinni kuu rabaaso

Tahriibta hadad u roorto

Ku riixdo naftaada geeri

Ku raacdo hankaaga dhiilo

Ku raadiso aayahaaga

Jidkaa rixin goysku joogo

Jidkaa lagu jaray rageena

Jidkaa raaliyo aqoonle

Jidkeedii lagu raqiisay

Jidka lagu sii rafaado

Jidkaa lagu riday barbaarta

Jeelkee lagu riiqay maanta

Risiqa eebahaa ku siiyey

Rooblow kuma seegi doono

Rugkasta oo aad u aado

******************

Intaad isasii ruxaysay
Intaad orod sii ruclaysay
Intaad iska sii rabaastay
Markay rajadii xumatay
Markaad jeel raaxo mooday
Markay doonidii rigooday
Markuu rabadhkii is dhaafay
Miyaanay raqdii barbaartu
Badaha rukunkeeda oolin

*********************

Miyaanay ragaasi hedhe

Rajadii aynu wada sugaynay

Rucubtii ubadkeena laynin

Miyaanay ku reebin hooyo

Inay rubaduba istaagto

Markii  lagu yidhi rumayso

Intoo loo duubay roolka

Kamarad lagu soo raseeyey

Muuqaal hanka kaa ragaadsha

Mukhalas caraboo riddoobay

Dhasheena inuu rukaaso

Inuu rarto oo cadaabo

Waliba nabariyo ku reebo

Xusuustiisoo rabdhawda

Raygii dhalintaa ka kow ah

Dawladan ka raynwaydabaa leh

***********************

Haduu rooday tahriibka
Inuun dhalintii ku raysay
Carkee reerkooda biilsha
Carkee daar soo binaystay

Carkee baabuuro riixda
Roodhay ku cashaynayaane
Aduu ramadbaad dhantaaye
Raxmaanku indhahaag kuu fur

**************************

Haduu reer-galbeedku sheegtay
Inuu Nimco raysleh yaalo
Anagu ka rumaysan mayno
Beentuu naga raaridaayo
************************
Dal-baannahay rukunka aastay
Dad-baannahay rabi yaqaana
Umado isu soo rucleeya
Markuu qoys kale ragaado
Rafiiq-baannahay kalsooni
Rabigu hibo gaara siiyey
Ruuxdaan ka fayawnay hoose
Nabadu Waa Raasamaalka
Rajada Aanu wada Sugayno

**********************

Hargeysoo roobku naadshay

Burcaa reexaan udgoone

Berbera dekedaha rasaysan

Boorama rajadayda awdal

Sanaag iyo rayska daalo

Sool iyo raasamaalka daaqa

Rugtii ganacsiga gabiilay

Walee rooma uma tahriibo

Anoo baligubadle raaxo

Bankii reeraha dhexyaalay

Rugtooda ku waa bariistay

            ******dhamaad******